شروط الاختبار
بديت التجربة والسيارة فل كامل بنزين وبطارية 100%، والمدى اللي كانت تعطيه الشاشة بالبداية 1200 كم. عداد السيارة كان 18363 كم. استخدمت وضع ECO مع وضع حفظ الشحن Save OFF، والجو كان بارد. التجربة استمرت تقريبا 3 أيام.
السيارة تعطي مدى واقعي ومناسب للاستخدام اليومي والسفر، والهايبرد يعطي أفضل أداء إذا كان الاستخدام متوازن
أسلوب القيادة والسرعات
حوالي 200 كم كانت السرعة بين 120 إلى 150 كم/س. باقي المشاوير أغلبها بين 80 إلى 100 كم/س، وأحيانا من 90 إلى 140 كم/س.
النتائج النهائية
عداد السيارة وصل 19017 كم، يعني قطعت 654 كم. البطارية صارت 30%، والباقي على الشاشة 259 كم منها 242 كم بنزين. التجربة ما خلصت بعد لأن باقي بنزين وبطارية.
حسب الاستخدام وأسلوب السواقة، المجموع المتوقع يوصل تقريبا 900 إلى 920 كم للتعبئة الكاملة.
الانطباع النهائي
النتيجة ممتازة مع سرعات عالية نسبيا. السيارة تعطي مدى واقعي ومناسب للاستخدام اليومي والسفر. واضح إن الهايبرد يعطي أفضل أداء إذا كان الاستخدام متوازن وما فيه دعس مستمر.
رابط التجربة من القناة : https://t.me/Qatar_ev/73/60873
